24.09.2024
Бүгүн, 24-сентябрда Б.Н.Ельцин атындагы Кыргыз-Орус Славян университетинде Кытай Эл Республикасынын түзүлгөндүгүнүн 75 жылдыгына жана КРСУнун Дүйнөлүк тилдер институтунун түптөлгөнүнүн 25 жылдыгына арналган салтанаттуу иш-чара болуп өттү.
Бул маанилүү окуя Кытай менен Кыргызстандын ортосундагы достуктун жана кызматташтыктын мындан аркы өнүгүүсүн белгилеп, өз ара урматтоо жана ишенимге басым жасады. Салтанатка КРСУнын ректору Денис Фомин-Нилов, Кыргыз Республикасынын Министрлер Кабинетинин Төрагасынын орун басары Эдил Байсалов, КР Билим берүү министринин орун басары Расул Абазбек уулу, Кытай Эл Республикасынын Кыргыз Республикасындагы Атайын жана Ыйгарым укуктуу Элчиси Ду Деэвэнь айым баш болгон кадырлуу коноктор катышты.
