Бүгүн, 5-августта Жогорку Кеңештин Төрагасынын орун басары Нурланбек Азыгалиев Б.Н.Ельцин атындагы Кыргыз-Россия Славян университетинин ректору Сергей Волков менен Лизинг Экспресс компаниясынын башкы директору Максим Сыщиковду кабыл алды. Жолугушууга мамлекеттик органдардын өкүлдөрү, жергиликтүү бийлик башчылары жана демөөрчү тараптар да катышты.
Анда Кыргыз ССРинин Аскер комиссары, Советтер Союзунун Баатыры, генерал Иван Панфиловдун Панфилов айылындагы эстелигин реконструкциялоо, ага кошумча сейил бак менен балдар аянтчасын куруу боюнча аткарылып жаткан иштер талкууланды.
Алгач Сергей Волков аталган демилгенин алкагындагы жумуштардын жүрүшү тууралуу маалымат берип, алдыдагы пландар менен бөлүштү. Ал ошондой эле сейил бактын жана жаңыланган эстеликтин ачылышы 2026-жылдын 9-майына белгиленип жатканын айтты. Подробнее
