Кафедранын кыскача тарыхы
Философия кафедрасы Кыргызстан-Россия Славян университетинин гуманитардык факультетинин базалык структурасы жана окуу-илимий бөлүмү катары 1999-жылдан баштап иш жүргүзөт. Түзүлгөн мезгилинен тартып, 2018-жылдын сентябрь айына, философия кафедрасы деп аталганга чейин, кафедра университеттеги билим берүү процессиндеги координация, уюштуруу жана оптималдаштыруу менен байланышкан бир нече кайра түзүлүүлөрдү өткөрдү.
Азыркы учурда философия кафедрасы факультеттер аралык жана адистерди даярдап чыгаруучу кафедра катары иш алып барат. Факультеттер аралык кафедра катары университеттин бардык факультеттеринде “Философия” курсун окутуу менен бардык адистиктер үчүн айрым гуманитардык жана социалдык-саясий дисциплиналарды, бардык адистиктердин магистранттары үчүн “Илимий таанып билүү методологиясы” курсун, ошондой эле бардык адистиктердин аспиранттары үчүн “Илимдин тарыхы жана философиясы” курсун окутуу боюнча билим берүүчүлүк ишмердүүлүгүн ишке ашырат.
Адистерди даярдап чыгаруучу кафедра катары 2003-жылдан баштап иш алып барат жана 2014-жылга чейин “Философ. Окутуучу” квалификациясы ыйгарыла турган дипломго ээ адистерди даярдоону ишке ашырып келген. Биринчи адистерди даярдап чыгаруу 2007-жылы ишке ашат. 2010-жылдан баштап кафедра Философия – 47.03.01 (530100) багыты боюнча бакалавр квалификациясын ыйгаруу менен даярдоону жүргүзөт. Бакалаврдын биринчи бүтүрүүчүлөрү 2014-жылы аяктайт.
Ошондой эле, 2014-2017-жж. кафедра Политология 41.03.04 (530200) багыты боюнча “Мамлекеттик саясат жана башкаруу; саясий менеджмент” профили боюнча бакалаврларды даярдоону ишке ашырат. 2015-жылы кафедрада магистратура ачылат да, Политология - 41.04.01 (530200) багыты “Мамлекеттик саясат жана PR” профили боюнча магистранттарды даярдоо жүргүзүлөт. Магистранттардын биринчи бүтүрүүчүлөрү 2017-жылы аяктайт. Ошондой эде, философия кафедрасы ЖОЖдон кийинки Философия, этика жана дин таануу -47.06.01 багыты боюнча, “Онтология жана таанып билүү теориясы” – 09.00.01, “Философиянын тарыхы” – 09.00.03, “Социалдык философия” – 09.00.11 профили боюнча аспиранттарды жана докторанттарды даярдоону ишке ашырат.
