- Славян университеттеринин ассоциациясы
- Азия университеттеринин ассоциациясы
- Эл аралык жогорку мектеп илимдер академиясы,
- Эл аралык маалыматташтыруу академиясы,
- КМШнын эл аралык мамилелер мектебинин ассоциациясы,
- Эл аралык орус тили жана адабияты мугалимдеринин ассоциациясы;
- КМШ аймагындагы россиялык-улуттук славян университеттеринин ассоциациясы;
- ШКУ өлкөлөрүнүн Тармактык Университети;
- КМШ тармактык университети.
КРСУнун эл аралык кызматташтыгынын негизги максаттарынын бири - бул билим берүүнү интернационалдаштыруу жана университетти эл аралык билим берүү мейкиндигине интеграциялоо.
Эл аралык кызматташуу КРСУнун Өнүгүү Стратегиясынын негизинде жүргүзүлөт, ага ылайык эки тараптуу жана көп тараптуу эл аралык мамилелердин, билим берүү долбоорлорунун сапаттуу жогорулашы университеттин артыкчылыктуу милдеттеринин бири болуп саналат.
Акыркы жылдары КРСУ тарабынан түзүлгөн келишимдердин жана макулдашуулардын саны көбөйүп, бүгүнкү күнгө карата 460тан ашуун келишимге кол коюлду. Европанын, Азиянын, Россия Федерациясынын жана КМШ өлкөлөрүнүн университеттери менен мурда түзүлгөн кызматташтык келишимдеринин алкагында жигердүү иштер жүрүп жатат.
КМШ өлкөлөрү менен болгон мамилелердин көп тараптуу мүнөзү ШКУнун Тармактык Университетин түзүү боюнча кызматташуу жөнүндө макулдашууда, КМШ аймагында Россиялык-улуттук университеттеринин ассоциациясын түзүү жөнүндө макулдашууда, Азия университеттеринин Ассоциациясынын Уставында РФ ТИМ ММЭМИнин өнөктөш ЖОЖдорунун регионалдык ассоцияциясы жөнүндө келишимдеринде чагылдырылган.
ММУнун, ММЭМИнин, РФ ТИМ Дипломатиялык академиясынын, Санкт-Петербург университетинин, Москва башкаруу академиясынын, А.С.Пушкин атындагы Орус тили жана адабияты институтунун, Бауман атындагы ММТУнун, Москва болот жана эритмелер институтунун, Россия Гуманитардык Университетинин, Днепропетровск транспорттук академиясынын, Пермь техникалык университетинин, Казак мамлекеттик университетинин жана Россия менен Борбор Азиядагы бир катар билим берүү мекемелеринин байланышкан кафедраларынын адистиктери боюнча окууу пландары жана программалары менен алмашуу жөндөлгөн.
Жаңы дүйнө тааным маданиятына ээ адистерди калыптандыруу үчүн КРСУда германистика, китаистика, иранистика, түркология, КМШ өлкөлөрүнүн борборлору, Корей тили борбору, Тажик тили жана маданияты борбору бар. Борборлордо студенттердин жана мугалимдердин элчиликтердин, эл аралык уюмдардын кызматкерлери, илимпоздор жана коомдук ишмерлер менен жолугушуулары уюштурулуп, алардын жүрүшүндө Кыргызстандын өнөктөш өлкөлөрүнүн тарыхын, ички жана тышкы саясатын терең изилдөө жүргүзүлөт.
Кыргыз Республикасынын жана Россия Федерациясынын ЖОЖдорунун ректорлорунун «Илим жана билим берүүнү өнүктүрүү - келечекке кошкон салым» форуму чоң жана маанилүү иш-чара болуп, Карасаев атындагы БГУда өткөрүлүп, анда КРСУ менен Россия Федерациясынын Ломоносов атындагы ММУнун, РЭДУнун, Москва педагогикалык университетинин, АлтМУнун, Воронеж мамлекеттик университетинин, Томск политехникалык университетинин, Россиянын жаңы университетинин ортосунда кызматташтык жөнүндө макулдашууга кол коюлду.
Дипломатиялык корпустун өкүлдөрүнүн университетте өткөн конференцияларга, семинарларга жана атайын сабактарга активдүү катышуусу жакшы салтка айланды.
